POLONIA Minor

POLONIA Minor

seu Superior, Gall. la petite Pologna, pars est regni Poloniae, sic dicta, ut a maiori discernatur. A meridie montibus Hungaricis, ab occasu Silesiae, a septentrione maiori Poloniae, et ab ortu Podlachiae et Russiae Rubrae finitima est: comprehenditque Palatinatus Cracoviensem, Sandomiriensem, et Lublinensem. In hac Nicolaus Olesznicius primus videtur puriorem cultum promovisse, concessô Euangelicis sacris locô in oppido suo Pinczovia, A. C. 1550. quod idem mox Pelniciae suae Lasocius fecit: Dubetiae Stadnicius, alii alibi; postea cum in Comitiis Petricoviae habitis, A. C. 1552. Episcopi causâ cecidissent, plurimi e primaria quoque nobilitate a Latinis secesserunt. Sed Ecclesiae quies turbata non parum a Stancaro est, cuius haeresis Synodis Sendomiriae, Uladislaviae, Pinczoviae habitis, est condemnata: inprimis celebri illâ Xianzensi A. C. 1560. Blandrata, post Stancarum, non minores turbas dedit, Socini venenô Poloniae illatô, circa A. C. 1563. Consensus postea Consessionis Bohemicae, Augustanae et Helvetiae Sendomiriae initus est, A. C. 1570. et A. C. 1573. cum de eligendo novo Rege ageretur: religioni cautum est, procurante id Iohanne Firleiô Palatinô Cracoviensi, Virô zeli plenô. Post quae Smalcius Ecclesiis gravis fuit in Synodo Lublinensi A. C. 1612. in societatem recipi postulans, reiectus. Academiae Cracoviensi cum Iesuitis ingens contentio exarfit, A. C. 1626. Varia dein Euangelicis templa adempta. Vide Laetum, Histor. Univ. Plura de Polonia, vide apud Volaterranum, Munsterum, Mercatorem, Ortelium, Merulam, Maginum, Bertium, Cluverium, Nicolaum et Guil. Sansonem, Brietium, Du Val etc. in oper. Geogr. Alex. Gaguinum Veronensem, Sarmatiae Eur. descript. Andr. Cellarium, Novâ descr. Polon. Sansovinum, Chron. l. 2. Ricciolum, Chron. Reform. Matth Michovium de Sarmatia, et in Chron. Polon. Martin. Cromerum, Hist. Polom.

Erasmum Stellam, descr. Borussiae, Davidem Chytraeum, de Russorum ac Tartar relig. Phil. Callimachum, Hist. Polom. contra Turcas. Solom. Neigebaur. Hist Polon. Volumen Historicorum Polon. Baron. Annal. Bzovium, Spond. Rainaldum Contin. Annal. Eccl. Thuanum Histor. Mar. Croviccium in l. admon. ad Sig. Augustum. Ioach Bielscium Chron. Polon. Virg. Musaeum de Euangelii in Pol. orgine et progressu. Payen, Rupitortium etc. Itin. Pol. Davity, Descr. Pol. Fulstinum, Hist. Pol. morer. Dict. Hist. Laetum, Comp. Hist. Univ. etc: Simon Starov olsius Elogia edidit Centum illustr. Poloniae Scripterum.